Salvatore Camilleri


Salvatore Camilleri è nato a Catania nel 1921. Ha dedicato tutta la sua vita e continua a farlo, a far conoscere ai siciliani ed ai non siciliani, la nostra poesia, scrivendo dei versi che hanno ottenuto un buon successo. Ha cercato di rinnovare la poesia siciliana nei contenuti e nelle forme. Per Salvatore Camilleri la poesia siciliana è la sua vita è il suo modo stesso di essere. Alla poesia ha sacrificato sogni e ambizioni. Tra le sue opere ricordiamo: "Sangu pazzu" del 1966, "La barunissa di Carini" del 1971, "Ortografia siciliana" del 1976, "Sfide, contrasti, leggende di poeti popolari siciliani" del 1977, "La rinascita della poesia siciliana" del 1979 e "Il Ventaglio -Vocabolario Italiano-Siciliano" del 1999.

Ecco alcune sue poesie...

Un tappitu di rosi

Un tappitu di rosi,
e l'occhi toi di preju,
filicità di paisi luntani.

Parravi di tia, di mia,
di storia, filosifia,
parravi d'affettu..."L'affettu
è diversu di l'amuri",
e nta l'occhi ti lucevanu
topazi virdi e gialli.

Un tappitu di rosi,
e parravi, parravi
di mia, di tia, di tutti...
"La vita senza amuri
è un giardinu sanza ciuri",
e nta l'occhi ti lucevanu
smiraldi e un arcipelagu di stiddi.

Un tappitu di rosi,
e parravi, parravi
di mia, di tia...
"Po la donna nnamurata
dichiarari lu so amuri?"
Ti facevi curaggiu, e ti trimavanu
du' palummi ammucciati nta lu pettu.

Traduzione della Poesia    


Forsi

La Muntagna,e darreri la cità,
li so' milli spittaculi, di luci,
li cuntrasti di l'omini, li vuci
senza spiranza di cu' veni o va.

Sugnu stancu; li specchi di la vita
non stralucinu chiù ntra l'occhi mei.
L'ambizioni?...Lacrimi e nichei.
Li ricchizzi?...Na mustica di crita.

Forsi la vita è sulu sta canzuna
ferma nta l'aria, stu pezzu di mari
scurdatizzu, su' forsi ddi lampari
sutta l'arcu riversu di la luna.


Traduzione della Poesia           


Diciottu jarofuli

Chianciulina a punenti
la luna, jancu crisantemu,
e chiovi.
Novembri, accantu di lu focu, campa
di li ricordi di la primavera.

Ju non aju ricordi,
a li me' spaddi rina senza macula,
nta lu cielu canceddi sbarriati.

Ntuttuna, dintra l'anima, diciottu
jarofuli gintili,
sirinata a li stiddi
e profumu d'aprili.

Diciottu, e tu mi guardi, e tu mi chiami...
Centumila chitarri nta la notti.
Lu celu di blu turcu, trapungiutu
di matraperla e nacchiri, e la luna
ncantisimata supra di lu mennulu.

Diciottu, e mi si posa nta li manu
la primavera.

Traduzione della Poesia 

"torna all'indice dei Poeti"