VincenzoDeSimone

Vincenzo De Simone nacque a Villarosa in provincia di Enna il 19 novembre del 1879. A dieci anni si trasferì a Catania con la famiglia. Qui completò gli studi, laureandosi in medicina. Si trasferì nuovamente a Milano, dove per molti anni fece il medico.
Molte sono le sue opere in italiano e in siciliano, conosciute in tutto il mondo. Il De Simone è considerato il caposcuola del "parnassianesimo siciliano".Morì a Milano il 12 aprile 1942. Qualche anno dopo la sua morte, i poeti dialettali offrirono al Comune di Villarosa un busto di bronzo, che fu collocato in Piazza Vittorio Veneto.

A la Sicilia

Matri Sicilia mia, sempri ti pensu,
e sentu a milli miglia lu to ciauru;
a li to' scogli curaddina e mauru,
a li sbalanzi to' jinestri e ncenzu;

oriu e frumentu a lu to menzu menzu,
zagari e rosi, lannaru e addauru;
e lu suli a cavaddu a lu so sauru,
ca giria ntunnu a stu prisepiu immenzu.

Purpaini d'oru a lu to focu; focu
a li to celi; celi a li to' orti;
e Diu prisenti in ogni lampa e locu.

Matri, accussì ti cercu, e tu m'abbunni
lu meli di li vivi e di li morti,
e li fragranzi di l'antichi munni.

Lu me dialettu

Lu sai pirchì iu l'amu lu dialettu,
la matri lingua di lu me paisi?
Pirchì mi la nzignaru senza spisi
e senza sforzu di lu me ntillettu;

pirchì non ci ni levu, e 'un ci ni mettu,
ca lu so meli, cu fu, ci lu misi;
pirchì è onesta, tennira e curtisi,
e quannu canta attenta a lu me pettu.

L'amu pirchì ci sentu intra la vuci
di tutti li me' nanni e li nannavi,
di tutti li me' vivi e li me' morti;

l'amu pirchì mi fa gridari forti:
"Biddizzi chiù di tia non c'è cu' n'avi,
terra fistanti mia, cori me duci!"